Ka leng ve ngei ang
Hla Thu (Lyrics)
Phuahtu: Lalthansanga Colney
Satu: Melody Nuzawni
Awmkhua a har mang e,
Lal lenna Zion ram khian ka lung min len;
Tapin ka zawng ruai ruai,
Lalpa khawiah hian nge i lo awm thin a,
Aw, hmangaih lenrual lungduh an lenna,
Rammawi khi ka ngai bang thei lo e.
Kawngkhar mawi hi an hawn hunah ka leng ve ang a,
Hlim tawp hlau lo in a eng nuamah,
Hallelui! Lal hmangaih par tlanin,
Hlimin ka leng, ka leng ve ngei ang a.
Khawngaihna chanchintha chhandamna,
Thuthlung puang tura koh kan ni;
Sualna thlipui hrangin tuifawn ten min chim mahsela,
Aw, chatuan kawl eng hman chuan,
Thuthlung thianghlim hril hi kan bang thei lo a ni.
Lei ropui, mawina leh damchhung khawsak
Lungkham buaina ten min chim
Sawi hnawmtu leh hektu hmelma ten min dal tum mahse,
Aw, Lalpa’n kan hma a hruai ang a,
Hnehna hla thar sa in lalrammawi kan lut ang.
Van ropui kalsanin min hruai turin,
Lal Isua a lo kal dawn;
Chanchintha thuam famkim,
Thlarau silhfen thar nen inbel ang u,
Aw, lei ram kan chhuahsan ang a,
Nunna khawpui Zion lalram par kan tlan ang.