Ka nu

Phuahtu: -
Satu: -

Hla Thu (Lyrics)

Phuahtu: K Lalrinawmi (Nupuii)
Satu: Zoramchhani

Ka nu, fam i chan i ni khan maw,
Hrilh kan hai ngei e, i tu leh fa te’n;
Au mah ila min chhang si lo,
I sakruang rial ang a dai ta si,
Ngaiin ka au zel ang che, ka nu,
Ka ngai em che, lo kir leh rawh.

I sakruang zalna thlan khawharah,
Hmangaihna par mawi ka rawn hlan che;
I hmangaihna aw nem ngaiin ka tap e,
I sakhming dai tur hi ka phal thei lo,
In tawn leh ni awm thei tak ang maw?
Ka ngai vawng vawng che, ka nu.

I run chhung kan rawn lawi leh e,
I sakhmel hmuh tur awm si lo;
Ka tap ruai ruai thin nangmah ngaiin,
Ka tan i hmangaihna a hlu, ka nu,
Mang lamah pawh kawng dik min hrilh hi,
I bang chuang si lo ti raw, ka nu.

Ka nu, i hmangaihna ngaiin ka tap,
Ka tan chuan rohlu ber i ni a;
Min chulna te ka tan damna,
Ka lungngaih laia min hnemtu i ni,
Khawvel rohlu zawng te ai pawhin,
I hmangaihna ka thlang zel ang.