Ka phal lo che

Phuahtu: -
Satu:

Phuahtu: H Dintea
Satu: Chama Thangluah

Zuapa ngaih lai reng a bang thei dawn lo,
I thai leh i hraichawite kan vai lua e;
Ami zaleng zawng te’n “Ka pa” tiin an au,
Zuapa lo let leh rawh, kan ngai em a che.

I dawn lo’m ni kan awmkhua har tur hi?
Rih sang mual i liam mai hi kan phal lo che;
A rem thei mai lo’m ni kir zai rel?
Ka phal lo che ka pa, tho ‘che, khua a var hi.

Tinkim ka dawn changin awmkhua a har thin,
Kha leh chen suihlungrualin kan leng thin;
Kan nun hlui liam zawngte kha, aw, ka dawn changin,
Kan tah lai ni reng hi a bang dawn lo.

Zing tian bawhar zawngte an lo pau e,
Kan tan tahna ti tam a sei lua e;
Kan la tiam lo che he ti maia i liam hi,
Lo kir leh rawh ka pa, kan ngai em a che.

Van khawpui mawiah khian hlim leh lawmin,
I leng tawh si he lei nun reng ngai lo vin;
Min lo hmuak ang che aw ka pa, i Siamtu nen,
A bang tawh ang kan tah lai ni zawngte hi.