Ka tan a tawk
Phuahtu: -
Satu:
Phuahtu: Mangheta Jahau (JH Vanlalngheta)
Satu: Lalhmungliana Chhangte (Hmingtea) R Lalrinmawii (Arini Ralte)
Van hnuai khuavel hrut chhuak ila,
Ani ang renga mawi leh tha;
Awm thei hian kei ka ring lo,
Chhingzo an awm lo he lei chinah.
Tu’n min sel lo se ka rinnaah,
Mihring tih lawm tum ni ila;
Krista bawih ka ni lo vang,
Lalpa a ropui chuan ka tan a tawk.
Keia tan erawh Pathian hnaih hi,
A thain a thlamuan thlak a ni;
Tih vui leh hrehawma ka awm hi,
A duh zawng a ni si lo.
Chu vanram chanchin ka ngaihtuahin,
Isua zarah ka lawi ve ang;
Khawvelin min hnawl mahse,
Thiamchanna Isua ka tan a tawk.
Tuarna te’n ka kawng min dal mahse,
Ka Lal hnen min thlen dawn anih chuan;
Nunna hi a tan hlanin,
Tuarin a kraws kawng ka zawh nang e.
Theih nise mu ianga thlawkin,
A kiangah len ve ka nuam e;
Ral tawh mai se lei hringnun hi,
A ram thlen hlan ka nghakhlel.
Keia tan erawh Pathian hnaih hi,
A thain a thlamuan thlak a ni;
Tih vui leh hrehawma ka awm hi,
A duh zawng a ni si lo.
Rethei te tan hausakna a ni,
Inchhir te beisei chhan ber a ni;
Thlamuanna Pathian a ni si a,
Ka nun hian hnaih fo rawh se,
Ka nun hian hnaih fo rawh se.