Ka thian – Di tawng lo va, riang em em a ka awm laiin
Phuahtu: Tza Ralte
Satu: Tza Ralte
Di tawng lo va, riang em em a ka awm laiin,
Nang i lo awm ve hi chu ka lawm a ni;
Lengdang zawng zawng an di nen hlimte’n leng mahse,
Ka awt lo’ng nang i awm chhung hi chuan.
Sakhmeltha leh piannalh hi chu an tam,
Mahse, kan ta ve tur hi khawiah nge?
Awm lo vin hmu zo lo mah ila,
Nang tal i awm a lawm ka thian,
Awm lo vin hmu zo lo mah ila,
Nang tal i awm a lawm ka thian.
Lehkha zir tur leh thiam tura awm lai pawhin,
Nang i lo awm ve hi chu ka lawm a ni;
Han fail pawh ni ila i lo tel ve thei zel,
A hrehawm dan a zia deuh a lawm.
Mite’n nupui pasal nei sup sup thin mahse,
Nang i lo awm ve hi chu ka lawm a ni;
Han nei teh vaih la chuanin e, ka riang awm e,
Chuvang chuanin neih san bik lo’ng aw.