Ka thinlungah a nung

Phuahtu: -
Satu:

Phuahtu: Lalnunpuia Hrahsel
Satu: H Lalremruati (Maruati), Vanlalrohlui (Duati)

Vante khian i ropui zia an lan tir,
Leilung leh tuifinriat i ta an ni;
Khawvel finna hian hnial thin mahse,
Ka rinna chu a nghing ve chhin ngai lo.

Ka Pathian aia ropui an awm lo,
Ka Pathian aia thiltithei an awm lo;
Lei leh vana Lal awmchhun a ni,
Engkim siama, engkim neitu a ni.

Amah fakin ka zai, ka zai zel ang,
Ka rin a chuan a thisen hlu min pe;
Ka Lal a ni, ka nun hruaitu leh vengtu,
A nung ka hria, ka thinlungah a nung.

Ka inchhuang thin Pathian fa ka nih hi,
Aman engkimah min hria tih ka hria;
Ka nunna, ka kawng hruaitu ropui,
Ka nun laimu, ka innghahna a ni.

Pathian fakin ka zai, ka zai zel ang,
Ka rin a chuan a thisen hlu min pe;
Ka Lal a ni, ka nun hruaitu leh vengtu,
A nung ka hria, ka thinlungah a nung.

Ka rinna hi nangmahah chauh a awm,
Ka duhzawng zawng zawng neitu i ni a;
Ka hrechiang, ka hmu, ka tem bawk thin,
Khawvel mamawh engkim chhanna a ni.

Pathian fakin ka zai, ka zai zel ang,
Ka rin a chuan a thisen hlu min pe;
Ka Lal a ni, ka nun hruaitu leh vengtu,
A nung ka hria, ka thinlungah a nung.

Ka Lal a ni, ka nun hruaitu leh vengtu,
A nung ka hria, ka thinlungah a nung.