Ka thlang Mizo tlangval (Daduhi)
Hla Thu (Lyrics)
Phuahtu: C Durthanga
Satu: Lalrindiki Khiangte (Daduhi)
Tinkim ka han dawn chang hian,
Hnam phatsana thlang kawrvai belh chang nei;
An va tam em lanu leng,
Hmai tibaltu ram hmelma chu in ni e.
Kei zawng ka thlang Mizo val ngei,
Rilru hmun khat, duh thuhmun si;
Mihrang, sahrang hmaa zam lo,
Chhuihthangvala lo zam suh aw.
Sum hmachhuan kawrvai lengin,
Finna leh sum nen dawi che mahsela;
Kan Mizo nun humhim nan,
Kan Zoram tan pangpar mawi i lo ni ang.
Chhinlunga chhuak Zofa leng,
Lanu leng leh chhuihthangval rualte u;
Awze hrang sirah hnawlin,
Zo leh Zo ngei runhmunah nui dun ang aw.