Ka va ngai em ka di te kha

Ka va ngai em hmana ka di te kha,
Chuailopar iang vul leh se ka hma ah;
Fur khua ang thinlai zing riai a kiang ang,
Par ang ka lawm ve ang Nuihmawii.

Chhawrthlapui en changin dawn lungrukah,
Min han ngai ve ang maw Ainawnpari’n;
Zaleng dang thlang sul ang a tum chuanin,
Min ngai ve hian kei zawng ka ring lo.

Kan ṭuanna mahtea ka fan changin,
Hrilh ka hai khawnge i awm Nuihmawii;
Biahthu di hlimte’n kan sawina tlangah,
Zarva lungrualin duhleng an awi.

Ka tawna’n zaleng dang an piang lo’m ni,
Hrilh ka hai rei dawn em e, Nuihmawii;
I thinlai rukah kimte’n han dawn la,
Lamang lo let leh rawh, Nuihmawii.