Ka zawng ruai ruai che
Phuahtu: -
Satu: H Lalthakima
Lungrualpui di tuah kan rel laini,
A rei lo em mai i vul lai ni;
Lengtin chhing a par ang lawmlaiin,
Rin loh karin dairial i chan san le.
I chhingzo zaleng dang ka tawng ngai lo,
Nunhlui ngaih puan ang ka bang dawn lo;
Tlangrel sawi tam dawn zo lo te hian,
Lenrual zinga’n ka zawng ruai ruai che.
Unau lenrual ka hrilh ngam si lo,
Ar ang ka vaih khua reng a sei tur hi;
Ngaihlai lungrun, ka tuar nem thei lo,
A rem lo’m ni lam ang lo let leh rawh.
Kumpuisul ang a lo thar ang a,
A thiangte’n lendun kan tiam tawh si;
Nghilh thei reng hian ka mawi si lo che,
A pawi em mai zamual i liam ta si.
I lenna Zion ram nuamah chuan,
Chen ve hun tur ka thlir ka nghakhlel e;
Eden sual hliap lei anchhedawng hi,
A ral hun chuan min lo kai ang che.