Kalvari ning zu kan rui e
Hla Thu (Lyrics)
Kalvari ning zu kan rui e, kan lawm, kan lam e,
Tun hi feh reh san chauh a la nih hi;
Chawlhtui ningzu leh khawvel thil kan rui lo,
Hnamtin damna parzu kan tlan e.
Luang zel rawh hmangaihna Kalvari luipui,
Hnamtin, tawngtinte nau ang awi tlei la,
Kalvari tui thiang dawnin lo rui se,
Kan chenna ramah mitthi te kan awm ve si lo,
Kan nun chatuan hawlhtlang luipui chu;
Chatuan lung kan vua leh lam chawnban chuanin,
Leh lam kan phar leilung chhandam nan.
Kan chenna in chu a hming thar lung man tam chitin,
Tuikep lung kawngkhar mawitu kan lo ni;
Lung man tam kan ni Lal thisen man ngei chu,
Temple kan chang van chung sanga runpui.
Thang vansangah khian Lalpa chu a cheng bil lo ve,
Keimah zawk hi Lal chenna in mawi chu;
Tuboh ri tel lo lung man tam in mawi chu,
Ka hrechhuak ta leilung tisa hi.