Kan chakna Lalpa
Hla Thu (Lyrics)
Phuahtu: Laltluangliana Khiangte
Satu: Hlutei (Lalruathlui)
Zoram dung leh vang thlir changin,
Suahsual nunzia a puang chiang ngei;
Thim lal fapa fin kherek chuan e,
Nun hlu a suat, aw, a pawi em e.
Kan chakna Lalpa hmachhuanin,
Sual ral kan hneh zel dawn nitinin;
Lal rawng i bawl ang theihtawp chhuahin,
Lallukhum hlu kan chang ngei ang.
Rawlthar, tleirawl nuntluang duhawm hi,
Sual khalh chula’n kan phal em ni?
Nunrawng, hlemhlet, sual bawlhhlawh zawng hi,
Hnawl zel ang aw, Lal sipai rual hian.
Thian sual lakah inveng rengin,
Khawvel nun lem karah hian;
Zonunmawi leh Krista suih zawmin,
Ram leh hnam tan tang fan fan ang aw.