Kan dam chhan
Hla Thu (Lyrics)
Ka zinna khawvelah hian i thilsiamte ka thlira,
Tuifinriat, thim leh eng, thlaler ram, hnim hring mawite;
Leilung leh van boruaka arsi eng mawite hian,
I ropui zia min hmuh tir, Lalpa ka lawm e.
“Lawm rawh u, lawm fo rawh u,” tih hi ka hrethiam ta,
Ka nun neitu chu nangmah i ni a;
Kei leh ka chhungte chuanin i hming ropui fak leh,
I rawngbawl hi kan dam chhan a ni si a.
I thilsiam tam tak zingah kei mite ber hi,
I faa vuaha ka awm vangin ka hlim, ka lawm em e;
Ka mangan leh ritphurhte ka thlenna ka Pathian,
I nih fo thin avangin muangin ka chawl thin.
Khawvel hlimnate vanga nang ka hlat dawn apiangin,
Tlanbo san thei lo turin;
Harsat, manganna te ka chungah i thlen tir a,
Ka banah min kaiin i lam min hawi tir leh thin, Lalpa ka lawm e.