Kan dam nan
Phuahtu: David LH Zuala
Satu: Lunglei Chanmari Pastor Bial Zaipawl
He khawvel nun kawng chhuk chho ka zinna ramah,
Nun tibuaia hruaitu sual ral an lian mang e;
Hruaitu hmar arsi iang min hruaitu ni turin,
Lalpa, thu sawi rawh, kan dam nan.
Zin kawng khawhar leh nun beidawngte,
Tahna ruam, luikawr thuka lungngaia kun te tan;
Lalpa, thu sawi rawh, kan dam nan.
Thlir teh kan ram hi e, i tel lo chuanin,
Kal ngaihna reng reng hi kan thiam thei dawn lo ve;
Sanna leh ropuina kan um zawng zawngte hian,
Damna kim min thlen si lo maw.
Engtin nge maw kan tih tak ang le, kan ram hi,
Ngaihdan tam, duhdan hrang kal ngaihna hre lo te;
Krawsa damna kim chu kan lo chan theih nan,
Lalpa, thu sawi rawh, kan dam nan.