Ran chaw pekna thlengah nau dang an piang tawh em?
Kan Lal bul tan dan hi dawn ve teh;
Tlawmna nun chu lo pianpuiin,
Retheite aia retheiin a lo piang si maw.
Rianghlei nau ang lo piang Van Lal Fapaa chu,
Amah mi te’n kan hai si a maw?
Van hmun nuam kalsan a, nang leh keia tan a tawrh hi,
Hmangaihna vang asin.
Aw, a tlawm lua e, hringmi i lo chan hi,
Kan tana naupiang ngei i lo ni si maw,
Hrilhfiah phak rual loh nun nuam van nun kalsanin,
Thih thlenga tuar tura i lo piang hi kan fak a che.
Hringfa leng zawng te tan zalenna ropui chu,
Van Lal Fapa lo pian ni chuan maw;
An rawn puang e, chung van angel te’n,
“Leiah rem leng se,” tiin fak zai an vawr e.
Hringfa leng zawng te tan zalenna ropui chu,
Van Lal Fapa lo pian ni chuan maw;
An rawn puang e, chung van angel te’n,
“Leiah rem leng se,” tiin fak zai an vawr e.
