Kan la ngai dawn asin khuareiah

Phuahtu: -
Satu:

Phuahtu: Lalsangliana

Suihlungrualtein aw le zanin chu,
Hlim leh lawma senlai nau ang nui dunin;
Perhkhuang tingtangte nen zai vawrza ila,
Aw, kan la ngai dawn asin maw, khuareiah.

A mi zalengte’n sawiin min sel lo u,
Kan hlimlai par ang vul kan chen lai leh;
Kan hlimni leh kan lawmlainite pawh hi,
Aw, kan la ngai dawn asin maw, khuareiah.

Ka chung siar lungmawl mah khi van zawlah,
Chung Khuanu ruatin zamual an liam zela;
Zankhua rei tur hi zawng i dawn lo vang,
Aw, kan la ngai dawn asin maw, khuareiah.