Kan ram chan tur

Phuahtu: -
Satu:

Phuahtu: Marvin Lalhrilliana
Satu: Leithum Kohhran Pavalai Pawl

Kan ram chan tur chu he lei ram hi a ni lo,
Kan Pa ram chatuan hmun mawi chu a ni;
Tunah he lei ramah leng rih mah ila,
Ram lo thleng tur atan buatsaih kan ni.

Ni tla ngai lo ram mawiah chuan,
Lungduh kalta an kim ngei e;
Fak zai tinin an vawr siau e nunna engah,
A vul reng e kan ram chan tur chu.

Nang pawh, chu hmun thleng tur chuan i inpeih em le?
Hun tha i neih hi a rei dawn lo ve;
Vanglai hun tha liama a ral hun chuan,
Ngaiin au mah ila a sawt tawh lo’ng.

Nakinah chu hmun ropui kan thlen hunah chuan,
Angel leh van seraf thianghlim te nen,
Tlantu fak zai ri a dai tawh lo vang,
Ram thianghlim kan chatuan khawpuiah chuan.