Kan tawih ral dawn si lo
Phuahtu: -
Satu:
Phuahtu: Upa Sanglianthanga
Satu: TBC Zaithanpuia
Khuanu ruatin khawvel sual thim hnuaiah hian,
Kan lo piangin kan lo seilian a;
Mahse, Lal remruatna dan hnuaiah,
Mihring tan vawi khat thih ruat a ni a.
Vaivuta siam kan ni a,
Vaivutah vek kan kir leh dawn;
Mahse, Isua ringtu te chu,
Kan tawihral dawn si lo, kan tho leh ang
Thihna thlan thim chuan min then rih mahse,
Lungngaia tapin rum rih mah ila;
Lal Isua’n thihna a hneh zo ta,
Kan tlawm lai taksa a par vul leh ang.
I vanglai hun leh thatlai ni leh kum te,
Mite tan leh i Lalpa rawngbawl nan;
Hmang ral tu chu i Lal hnenah chuan,
Lungmuang ten chawl ang che, aw ka Pa.
Hun leh kumte lo inherchhuak zelah hian,
Ka ngai zual thin chhungkim dar ang len lai;
Chatuan rammawiah, aw, lungkim te’n
Kan lenza hun tur ka ngai vawng vawng thin.