Kan tlang ram a zothiang
Hla Thu (Lyrics)
Phuahtu: Rokunga
Kan tlang ram a zothiang, hring nghialin a mawi e,
A tlang boruak leh a thlifim reng hian,
Min lo va tiharhin min lo va tihlim em!
Len nan tlang hmun dang reng ka ngai chuang lo.
A tlang bawm kai vel ziahzam leng a tha e,
Fur, thal, favang lenkawl ni engah hian,
Thlifim anga lengin raltiang ram va kai la,
Dan sual chhumpui zingte va chhem kiang rawh.
Ziahzam kai chiaian ram mawina a lo lang,
Hawihkawm lenrual thenawm khawveng zawng pawh;
Inrem taka lentirin thla a timuang e,
Van ram chhawrpial chhuahtlang a iang reng e.