Kan Zoramah Lal Krista kraws

Phuahtu: -
Satu:

Phuahtu: Zoramthanga
Satu: Lalsangzuali Sailo, Joseph Zaihmingthanga

Kan Zoramah Lal Krista kraws,
Sualna hnuaia lo tlu tawh hnu;
Tungding tura beitu zawng te’n
Huai leh chhel takin tawn zel r’u.

Kan Zoram thisen authawm chuan,
“Min hmangaihtu khawnge” a ti;
Chhantu baihvai aw kan Zoram,
Ka lainatin ka hmangaih che.

Zoram hi Krista tan ti a,
Lalpa hnena i hlan tawh kha;
Lalpa a Pathian dang thlang tu,
Lungngaihna te a la pung ang.

Hmelma sual ral lian lo pungin,
Chun leh zua, laina thlemna nen;
Phatsantu thawm thang vel mahse,
Hnehna chu Lalpa ta a ni.

Ngai teh, kawnga veng zel tur leh,
Ram buatsaiha hruai lut turin;
“Ka vantirhkoh ka tir dawn e”,
Hmangaihtu Lal aw chuan a ti.

Tuipuisen chunga thuneitu,
Babulon saltang hruai chhuak tu;
Aw, Lal Jeho, nangmah ringin,
Ka do zel dawn kan Zoram tan.