Kar mah hla se

Phuahtu: -
Satu: -

Hla Thu (Lyrics)

Phuahtu: SaiWanah
Satu: SaiWanah & Teyi

Duhthlu leng tin kan sam kawpte’n di rialin,
Lei hringun ken tel anchhe tinreng leh,
Buaina zawng zawngte hmachhawn dunin,
Hmalam chauh kan pan zel ang kan ti thin.

Kar mah hla se rinawm thutiam vawng dunin,
Chhel tak leh huaisen takin aw,
I tan chauh hun leh ni ka hmangral thin,
Dam takin intawng leh ngei ang aw, duhlai.

Ka ding leh veiah lenrual zawngte hlimin,
Kawpte’n an in di, kei chu riang leh malin,
Intawn leh hun tur ka thlir thin tlaini,
Chhunni a rei, zankhua a sei lua.

Kar mah hla se rinawm thutiam vawng dungin,

Chhel tak leh huaisen takin aw,

I tan chauh hun leh ni ka hmangral thin,

Dam takin intawng leh ngei ang aw.

Hmuh ka chak i hmel,

Kan hlim leh damna tinreng te khan tahna min thlen,

Aw, kan chung ava pik em!

Mel sang tam takin kan kar a hla,

Khawngaihin lo bei lo la thaval dang tangah,

Ka chan phal lul lo che, ka tan ana ang,

Zanthim a ral ang, ka tan khua a var ang,

I lukham kham mek kha tuna tan ka tangnem,

Hmuh phakah awm la pawm che ka va chak em,

Chhel leh huaisen takin hmalam kan pan zel ang a,

Tawn leh hun a her chhuak ang, kar mah hla se..

Hlimin kan leng ang a,
Kan tuhrah kan seng ang a,
Chhel takin kan awm ang,
Kan tan kawl a eng ang.

Kar mah hla se rinawm thutiam vawng dunin,
Chhel tak leh huaisen takin aw,
I tan chauh hun leh ni ka hmangral thin,
Dam takin intawng leh ngei ang aw,

Kar mah hla se rinawm thutiam vawng dunin,
Chhel tak leh huaisen takin aw,
I tan chauh hun leh ni ka hmangral thin,
Dam takin intawng leh ngei ang aw, duhlai.