Kawlkei Sahrang
Hla Thu (Lyrics)
Mama vawiin chu loah kan feh ang a,
Tha tak khan in lo nghak la, fanghma tai khoah ka dah kha
Behliang mun hun velah rawng lo bawl tan la
Zanriah ei turin kan lo haw thuai dawn nia.
Tlai khua a lo thim a,
A chun leh zua khawnge?
Rairah naupang a lo ni ta tih reng a la inhre mawlh lo ve!
Kawltinkhuma leh Darhniangi tan rambuai ral an lo hrang ta si a,
Chawngkhuma tan haw tur reng an awm ta lo!
A chhungkhat laina thenawm khawveng ve chuan,
Langsar takin khawngaihna nen an enkawl a.
Mahse, chu rairah chu kawlkei sahrang iangin,
Hmangaihtua a ngaih ten hnutiang an chhawn si maw?
Khua a lo rei a,a chun leh zua khawnge?
Rairah naupang chu hmuhsitin, hmangaihtu dang reng a nei lo ve!
Kawltinkhuma leh Darhniangi tan rambuai rallian hrang lo khan,
Chawngkhuma tan aw han dam ve se!
Thawnthu hluia kan hriatte kha takram an nih ngai chuan,
Khampat Bungpui phuntute hi kan lo hrang viau em ni?
Thawnthu hluia kan hriatte kha takram an nih ngai chuan,
Kan lo hrang viau em ni chun chawi loh riang tan!
Khua a lo rei a,a chun leh zua khawnge?
Rairah naupang chu hmuhsitin, hmangaihtu dang reng a nei lo ve!
Kawltinkhuma leh Darhniangi tan rambuai rallian hrang lo khan,
Chawngkhuma tan aw han dam ve se!
Chawngkhuma tan aw han dam ve se!