Ke pen leh ang che

Phuahtu: -
Satu:

Phuahtu: V Vanlalhlimpuii
Satu: Rosangzuali Khiangte

I dawn kira i hun kalta te,
Siamthat theih loh thil tam tak nen;
Nat leh khawhara in ngaiin,
A chang chuan i lo beidawng fo.

Mahse, chau va zam mai lo vin,
Rilru thar, beiseina thar nen;
Chung Khuanu malsawmna dilin,
Bul tan thar leh rawh.

Ni thar zel angin nangpawh insiamthar la,
I natna zawng te niin liampui se;
Hun ral taa i tum i hlen loh te,
Hlen chhuak ngei tu leh hmathar kaia sang tak thleng a,
Midang tana malsawmna ni turin ke pen leh ang che.

I nunah thimna lo thlengin,
Tlanchhuahna tur dap thin mahla;
I hma lam enin kawng chu zawng la,
I tan hawn a ni ngei ang.

Chak leh huai taka awmin,
Harsatna hmachhawn tawh zawkin;
I lo suangtuah fo thin ram chu,
I la thleng ngei ang.

Ngaihdam dil ngai i nih chuan,
Muang lo vin dil mai la;
Nakin inchhir leh ai chuanin,
I tun hun hmang tha la.