Khawvelah hian, aw ka Chhandamtu
Hla Thu (Lyrics)
Phuahtu: Zasiama
Satu: Ramherliani Ralte, JR Mankungi
Khawvelah hian, aw ka Chhandamtu,
Lungngai takin ka awm fo țhin;
Min hruai ang che i kawngah hian,
Aw, ka Lal Isu.
Thihna luiah min hruai kai la,
Tah leh rumna piah ramah chuan;
Lungduh kan then takte zawng nen,
Lawmin kan lengza ang.
Lungngai, lusun leh mittui tlakna,
Hrehawm tak tuara ka tahna;
Par ang chuai se, he lei ram hi,
Lungngai ka tahna.
Aw, ka ngaih Lalpa hmaah chuanin,
Thenna thu reng sawi tawh lo vin;
Beram No kan tana tuar hnu,
Zaiin kan awi ang.
Varparh arsi, Chhandamtu Lalpa,
Ka thinlung sual thim takah hian;
Lo eng ang che, i kawng thianghlim –
Chu ka hmuh theih nan.