Kumpuisul pawh a her liam leh dawn ta,
Kei zawng suihlung min len e;
Min ngaih zual tir e tu dang ngai lo va,
Chhungkim kan lenlai ni te.
Hun leh ni te a lo her liam zel a,
Krismas ni kan thleng leh ta;
Kei zawng mahriak te’n hlim zai rel lo vin,
Lunglen biahzai ka lo sa.
Ka ngai zual thin e, he hun lawmah hian,
Chhungkim tea kan lenlai ni zawng te;
Ngaiin au mah ila, kir zai an rel lo,
Ngaih lo ang hian an her liam zo ta maw?
Tur nipui lenkawlah a liam a,
Kei ang min dawn lo rengin;
Chung thang van mawiin chhawrthla lo eng e,
Kei zawng suihlung min len e.
