Krismas ni ropui
Phuahtu: -
Satu:
Krismas ni lawmawm kan thleng leh ta,
Ngui leh lungngaih, tah, mittuite bansanin;
Bethlehem khaw arsi eng chu thlir vein,
Berampute lai khumah an zal laiin,
Hriat loh chhingkhual van mi thianghlim rawn kal chuan,
Mi tin tan a chanchin tha chu rawn thlenin.
Aw, nang Bethlehem, Judai ram a mi,
Judai khawpuite zingah i te ber tawp lo;
I chung atangin awptu a chhuak ta,
A mi Israel-te hruaitu chu.
Van mipui fak hla aw mawi thangkhawh ri chuan,
Leilung hi a nghawr, a khat thinlai rila’n;
Remna Lal Fa Lal Krista lo pian ni chuan,
Chung thangvan siar te paw’n chibai an buk,
Kan thinlung kawngkhar a hnen lamah hawnin,
Chibai buk turin i kal ang u tunah.
Nangni van Angel Seraf thianghlimte u,
Ran in tlawma Lal thar lo piang chawimawiin;
Chung thangvanah pawh in awi ve dawn lo’m ni?
Hei ang renga kan tana Lal lo piang hi,
An piang leh tawh lo’ng nge he lei chinah hian,
Kan vannei em e, he hun kan tawng leh hi.