Kulhpui nghet
Phuahtu: CS Lalrothuama
Satu: F Lalhriatchhungi
Vante khian Pathian ropui zia,
An puang chhuak e, boruak zau tak te nen;
Ni leh thla leh arsi te zawng paw’n,
An puang chhuak e, Lal ropui zia hi.
I remruatna thuk leh ril tak hi,
Hringmi finna hian a chhui chhuak thei lo e;
Thlarau atang lo chuan hriatfiah phak a ni lo,
Lalpa, nang chauh kan tan kulhpui nghet i ni.
Zing khawvara ni lo chhuak chuan,
Leilung leh a chhunga thil awm zawng te;
An lang leh ta a thilsiam zawng zawng te,
Engkim Siamtu chu an chawimawi thin.
Thlipui leh tuifinriat fawn vel,
Chung khawpui ri leh chhimbal zam te chuan;
A thiltihtheihna leh ropui zia,
A chakna thuruk an puang nawn thin.