Lal Engkimtitheia chuan, chatuanin ro a rêl dawn
Hla Thu (Lyrics)
Lal Engkimtitheia chuan, chatuanin ro a rêl dawn,
A ropuina leh thuneihnate chu Chatuanin a zual zêl ang.
Aw, lo kal ula, Nangni, hnam tinrênga mite u,
Lalpa, kan Pathian hmaah kan zain i kûn ang u, i kûn ang u;
A ni, ama hnênah chauh, kan engkimte hlân vekin,
Khawvêl thilte kalsanin, kan Lalpa rawng chauh i bawl ang u.
Keini suala thi tawh hnu, chatuan nunna min pe leh,
Pathian thisenin min rawn tlân leh a, vân ropuina chang tûrin.
Chhandamna mak tak mai hi, hnam tin, chi tin tân a ni,
Tu pawh a duh apiangin chhandamna chu a thlâwmin an nei thei.