Lal pian ni kawla liam hnu

Phuahtu: -
Satu:

Phuahtu: Saidailova
Satu: Melody for Christ, ECM Immanuel KNP

Lal pian ni kawla liam hnu a lo eng leh ta,
Bethlehem tlang ngaih chul hnu par angin a vul e,
Thang van arsi engin min hruai se,
Bethlehem dai kawmnah chuan, a ngur piang lawm turin.

Chungnungberah, chungnungberah,
Pathian ropui ber rawh se;
Chungnungberah, chungnungberah,
Pathian ropui ber rawh se,
Amen! Amen! Pathian ropui ber rawh se, Amen!

Krismas ni ka tawn changin Bethlehem ka ngai,
Hmuh ka nuam chhingkhual runa van Lal fa lo piang chu;
A lawmtu thang van angel zai ri,
Ka thinlaiah a cham e, nghilhni a awm dawn lo.

Aw, nang Bethlehem khawpui, aw, i mawi chuang e,
I sakhming hi van hnuaiah, aw, a chul thei dawn lo;
I chhungah van Lal fa a lo piang,
Chun riang Mari’n a chawi e, Imanuela chu.

Imanuel lo piang chu zaiin i awi ang,
Lei leh van lal ber a ni, i chawimawi chiam ang u;
Kan Chhandamtu Lal a lo piang ta,
A fak hla hi thangchhuak se, Halleluiah! Amen!