Lalber thar (Ngai ru, ngai ru)

Phuahtu: Rpa Ralte
Satu: Rpa Ralte & Hlimhlimi

Kha ni kha ni pangngai ang ve maiin,
A liam leh a turnipui pawh kawlan;
Nghakhlel taka thlir lo tan chuan a ropui lem lo e,
Siar ten zanthiang reh an mawi e.

Mahse, kha zan khan engkim a danglam,
Khawvel pian tirh ata thuthiam a lo hlen ta;
Hnamtin, chitinte lawmin au se.

“Ngai r’u, ngai r’u, van mi tlangau chu,
Lalber thar a lo piang ta e,” tiin;
“Pathian leh mihring karah chatuanin,
Remthu leng rawh se,” tiin an zai e.

Kha zan khan ka thinlung chhungah hian,
Hmun pawimawh ber a lo luah reng fo thin;
Damchhung lungkham buaina ka tawh changin,
Ka lo chau thin, mahse, lawmin ka khat leh thin.

Vanten an dang zo lo angelte hla chu,
Berampute hnenah an lo inpuang ta e;
Hnamtin, chitin lawmin au se.

“Ngai r’u, ngai r’u, van mi tlangau chu,
Lalber thar a lo piang ta e,” tiin;
“Pathian leh mihring karah chatuanin,
Remthu leh rawh se,” tiin.

A lo piang ta, a lo piang ta,
A lo piang ta, a lo piang ta,
A lo piang ta..