Lalpa i thu ang ni zel rawh se
Hla Thu (Lyrics)
Satu: K Vanlallawmi
Lalpa, i thu ang lo ni zel rawh se,
Ka ngaihtuahna min ven sak ang che;
Thlemna hlauhawm karah pawh,
Nang chauh ka phaw leh himna.
Khawvelin min hip fo thin,
A chakna tinrengte nen;
Ka chunga thu neih chu phal suh la,
Ka pumin i thu ni se.
Ka chakna zawng zawng i timualpho thin,
Nangma chakna chauh ka rin theih nan;
Ka remruat min thiah sak a,
I thu a ka awm theih nan.
Sawichhiatna leh dodal lo thlengte hi,
Min tichak zualtu an chang zel thin;
Mualphova ka awm pawhin,
I ropuina lo ni se.
Engkim i thu ang lo ni zel rawh se,
Ka chunga thil thleng zawng zawng te hi;
A ngaihna min hriattir la,
Ka phunnawi fo thin loh nan.