I tel lo vin tlai tin ka fang,
Run ruak hi kil tin,
Tawn loh kar a va’n rei ta em!
Wo…wo….woo….wo….
Vawiin ka tuannaah, aw, i sakhmel a vang,
A lang si lo maw, i lenna tlang;
Mang lamah lem ka tawng reng thin che,
A cham reng hmangaih thu min hlan te.
I tel lo vin tlai tin ka fang,
Run ruak hi kil tin,
Tawn loh kar a va’n rei ta em!
Luaithli ka nul bang dawn lo,
Ka tan i vul ta si lo,
Tawnmangah tal min tawng ve thin em?
Zing tianah min ngai ve thin em?
Kar hla chauh hi min dangtu ni se,
I chun leh zua pawh hrang leh se;
Nang leh kei chu rinawm tein,
Mahse maw, duhaisam mai maw?!
Mah te’n ka fang, kan sulhnu,
A leng ve hian ka ring, i suihlung;
Lamkawiah intawng leh i la,
Biahthu kan hlan leh mai lo’ng maw?
