Lungawina famkim
Phuahtu: Siamthara
Satu: Lallawmawma
He khualzina ramah hian,
Chantawkah lungawi reng ka hmu zo lo;
Duhamna chu thawhrimna mai a lo ni,
Hahchawlhna dang a awm chuang lo,
Kristaah chauh lo chuan.
Nun Krista chauh hi lungawina famkim,
Tuinung lui chu a ni;
Ringhlel lo la, fak tawp mai rawh,
Lalpa fak tu i nih phawt chuan,
Lawmna i chang ngei ang,
Khawvel miten an hriat phak loh,
Hlimna pe tu chuan chatuan nunna kan neih theih nan,
A nun hial min hlan phal si a.
He leimawina tinreng ten,
Ka chungah thlazarin nun hi engmah;
Chu chu hlimna famkim emaw tiin,
Duhthlanna ruamah Lalpa chu,
Ka lo hawisan fo thin.
He vahvaihna ramah hian,
Rosum leh pai ten min thlamuan zo lo,
Chhungril muanna pe thei tu Krista chauh hi,
Buaipui tham bera i ruat chuan,
Thlamuanna i chang ang.
Nun Krista (nang chauh hi) lungawina famkim,
(Isu, nang chauh hi thlamuanna famkim pe thei tu i ni)
Tuinung lui chu i ni;
Ringhlel lo la, fak tawp mai rawh,