Lungngaih leh buaina
Hla Thu (Lyrics)
Phuahtu: R. Thanghuta
Satu: F. Lalzamliani
Lungngaihna leh buaina ka doral a lo lian e,
Mahse, ka lungngai lo’ng zam hmel reng ka pu lo vang;
Min hruaitu Lal Imanuela hmingin ka hneh ang.
Lawmin i zai ang u, hlimin i au ang,
Kan Lal hmingin kan hneh ni a thleng ang.
Hrehawm mahse hun a rei lo’ng Lal hmaah kan ding ang,
He khawvel sual thim zingah a tan dotu te chu;
Zion khawpui kan thlen hun chuan Lalpan min lo lawm ang.
A hun leh ni lo thleng tur chu aw kan va nghakhlel em,
Lei thuam van thuama ka inthuam hun tur chu;
Ka tan chawimawina ni ropui lallukhum khumna chu.
Hmanah tap leh lungngaia lungduh kan then tak te kha,
Aw, min nghahna Zionah ka la han hmu ang a;
Chutah ka lawmna a kim ang, kan inthen tawh lo vang.