Mangtha dite

Phuahtu: -
Satu:

Phuahtu: Lallianmawia Pachuau
Satu: Lallianmawia Pachuau, Vanlalduhawma

Kei zawng dâr ang chhâi ka zuam lo,
Chhuihthangval mah ni rawh i;
Tui ang ka nêm lanu iangin,
A lo na ê mai lunglên hi.

Kawlvalenchham kar danah,
Mangtha di tê ka ti ang che;
Kan lênna tlâng dang si maw?
A pawi ê mai lungrunpui.

Ka ngai vawng vawng che duhlai tê,
Zantlâi leh nichhûnah pawh;
I sakhming sawi ka bâng thei lo,
A va mak êm aw hmangaihna!

Nang vângin chhingkhual ka chang thin,
In vangkhua lo lawi lehin;
Hmangaih vânga suihlunglên chu,
Hmangaihnain kan inhnêm thin.

Rinawm tê hian lo awm ang che,
I tân, i tân ti zelin;
Ka tâwnah khuandim ang che aw,
Tudang lêngdang kan ngâi lo’ng