Mi chak huaisen

Phuahtu: -
Satu:

Phuahtu: David Lalremruata
Satu: Serkawn Pastor Bial Zaipawl (2022-2023)

Khawvel thim tieng turin Lalpa’n min ko,
Sual leh a thiltihtheihna hneh zel turin;
Mahni chakna mai chuan i do zo si lo,
Kraws thiltihtheihna i hnehna a ni.

Aw, mi chak huaisen, tho rawh, Lalpa’n a duh che,
I theihna chu tlem thin mahse;
Lalpa chakna chauh rinchhan zawk turin,
Tunah a ko che, a hruai zel ang che.

Kan buante hi tisa leh thisen anni lo,
Van hmuna thlarau sualte anni zawk e;
Chuvangin Pathian ralthuam famkim inbelin,
Thlarau ngunhnam nen i bei zel ang u.

I kawngte chu harsain hrehawm thin mahse,
Malsawmna i dawn thin te theihnghilh suh la;
Lal tan ti chung zelin a rawngbawl zel la,
Lalpa’n a awmpui che, a hruai zel ang che.

Mi huaisen kal hmasa te an zam ngai lo,
Lungngaih, hrehawm, buaina te lo thleng mahse;
Kir zai reng an rel lo, hmalam an pan zel,
Chanchintha hrilin hringnun an vui liam.