Min iai si in
Hla Thu (Lyrics)
Phuahtu: John Mawitea & Mapuii Fanai
Satu: H.T Lalthanzami
Zanmu chhing lo te’n ka dawn thin che,
Suangtuahna mittlaan i cham reng mai si;
Lenrualte hmaah hrilh rem si lo hian,
Ka tawn thinlai zochhum ang a zing riai,
I sakhmelthatna leh i kimtlang mawina,
Fam lo a dairial chang mai turan ka phal lo;
Ka ngai che, i tello chuan zing, chhun, zan hi,
A rei lua ka ti, khawnge i awm le?
Min iai si in lengdang tan min phal si lo,
Min zawt la, engtinnge ka chhan ang che?
Ka in zawt let thin duhluat vang che in,
Nang lo chu Valmawi ka la ti fan tho a sin.
Nang vanga zatlang rel ka phurhna zawng,
Dawnkir hian a thlawn mai dawn em ni le?
Sam ang then zai rel inhuam si hian,
Lengdang tang ka belh i hlau leh si,
Ka zawt a che ngun takin dawn chiang teh,
Leng dang tawnah biahthu i hlan em ni zawk?
I lo hlan a ni paw’n min hriatreng nan,
Ka hmangaih che min tih lai te kha aw.
Thai leh zua kan nih lohna a awm lo i ti,
I chinlai unau, lenrual an hrang si;
Ka lo tawng sual lua che em ni zawk le?