Min lo nghak ang che

Tlaikhua a lo ngui a,
Ka thinlai chhum ang a zing leh thin;
Chhungkim te a kan lenna run,
Belh ka zuam lo i tel lo chuan.

Tawn che ka nuam mang e,
Zantiang tawnmangah tal;
I duhthu min hrilh la,
Ka vawng zel nang e.

Fam i chan ni khan,
Thinlai a na biahthu min hlan lo kha;
Zaiin ka chawi ve thiam si lo,
Ka tuara’n a na lua e.

Kan hraileng te hi,
Dawi ang ka dawm ve thiam si lo;
Ka dawn ngam lo kan hmatiang nun,
Ka tah khua a sei tur hi.

Lam ang let hian i mawi lo,
Min lo nghak ang che Lalpa ramah;
Tah chuan chhungkim tein,
Min tlantu kan fak tawh ang.