Nangmah i ni

Phuahtu: -
Satu:

Phuahtu: Joseph Zaihmingthanga
Satu: Joseph Zaihmingthanga, Vanlalsailova

Zing taka thoin ka zawng thin che,
I hmel eng hmu ve turin;
Ka tawngtaina leh rumnate hi,
I hmaah lo thleng se la,
Aw Lalpa, ka mangang auhthawm hian,
I hnen lo thleng se aw,
I chungah ka khawlohna te chu hlipin,
Zahngaihna lantir ang che.

Nangmah i ni, mahni chauha himna chu,
Nangmah i ni, kan bawhchhiatnate keng a;
Kan natna te zawng phurin,
Thih thlenga tuara zalenna min pe tu.

Ka lungngaihni hi i hnenah lo,
Khawnge ka kal ang le?
Min dotute khandaih hriam chuan,
Ka chhungril a hliam zo ta,
Hmelma kuta mualpho mai hi,
Min phal lul suh ang che aw,
Aw Pathian, hmangaih leh zahngaihna a khat,
I hmelmawi min hmuh tir rawh.

Ka hnukchahni lo thlen hun pawhin,
I hnenah awm ka duh;
Thihna kut vawtin a ngam zawh loh,
Lalpa ka ta i ni,
Mithianghlim famkimte hnen thlengin,
Ka thlarau i thukru a,
Leilung pian laia talh tawh,
Beramno chu ka chanvo a ni, Amen!