Ngai teh Kalvaria i lungngaih niah khan
Phuahtu: Patea
Satu: F Lalhriatchhungi, PC Thankunga
Ngai teh, Kalvaria i lungngaih niah khan,
Hmelma chhiar sen lohte an pung khawm e;
Tu nge i lungngaihna chhiar duh?
Van chhumten nangmah an bawm che,
Kalvari an lo hliap.
Amen, Amen, Haleluia, Amen!
Lei leh vanten Amen rem se;
Tuifinriat leh khawvel zawng hian,
Halelui nawn rawh se.
Ngai teh, thihna hneh zovin a tho leh ta,
Thihna suna khawpui hlim ngai lo kha;
Kalvari par lawmin an leng,
Tuarna sunin hnehna an lawm,
Buaina a awm tawh lo.
Thihna lui ralah, aw, Salem khawpui khi,
Lalna ram pangpar mawiin a bawm e;
Tah chuan an phaiphuleng an rem,
Hnehtu Lal Lian an chawimawi e,
Fakna a dai ngai lo.