Nghilh loh lungrunpui
Hla Thu (Lyrics)
Phuahtu: Siamtea Renthlei
Satu: Samuela Chhangte
Hmangaih di hlui lunglai khamtu,
Tawn chang che hian thinlai a thar leh thin;
Nghilh ni awm lo, dawn lungrukah,
Ka ngai em che, nghilh loh lungrunpui.
Rinawm tiam thu hmangaihna par,
Hlan dun chunga kan tiam lai zawng te;
A thar leh thin ka thinlaia’n,
Kir leh reng hian i mawi si lo.
Tawnmangah tal i leng dun leh ang aw,
Hmangaihna biahzai vawr dun zelin;
I anka nem dam te’n min hlan la,
Chutin hlim te’n ka leng ngei ang.
Dam te’n leng la, Khuanu zarah,
Chuai lo te’n aw, kumtluang atan;
Duhsakna kim ka hlan a che,
Ngai chung zelin mangtha, mangtha le.
Tiam leh mai tura’n zawng,
Ka phal lo che lungrunpui, thasensiar.