Nghilh ni awm hian ka ring lo

Phuahtu: -
Satu:

Phuahtu: F Malsawma
Satu: H Laldanglovi

 
Sirva lungrual iangin lanu valrual,
Tlang tin mual tin her liam zelin;
Nau ang nuiin siahthing par vul karah,
Zaitin vawrin kan her dial dial.

Tawn leh ni awm ang maw perhkhuang rimawi nen,
Zaitin vawra hlimtea tukram kan tuanna;
Nghilni awm hianin ka ring lo.

Khuang ruahpui sur nghian karah hianin maw,
Lamtluang chhuk chho te hrut zelin;
Suihlung hnim riai pawh zochhum iangin maw,
A kiang thin hlim tea zai vawrin.

Vang khawpui val lanu rual zawng te nen,
Lungrual tein sir kan sawn dim e;
An sawi pialral iangin lenlai kan chen,
Zai tin vawra zankhaw tlaitluanin.

Ka awmkhawhar changin ka fan ruai e,
Hlimni zawng te’n zamual an liam ta;
Dawn lungrukah nau ang tah zai relin,
Nunhlui ngaiin ka kiu vawng vawng.