Ni li a liam ta
Phuahtu: -
Satu:
Marthi leh Mari’n, Isua auvin,
“I hmangaih a na, a dam zo lovang,
min pui rawh” tiin,
Isua an nghah laiin,
an hmangaih a liam ta,
Beiseiin an nghak, a lo thleng si lo
A va mak ngai em.
Ni li lai a liam ta, Phum a nih chin,
Lusun hnemin an lo pung
khawm, rual duh te pawh,
Isua a lo thleng, tapin Marthi’n
Lalpa awm la chu, I tidam anga,
a liam bik lo tur
Ni li a liam ta, Beiseina a bo,
Lalpa a rei lua e,
kan va hrethiam lo em,
Mahse Lal remruat hian,
lei mi dan a khum zo,
Ni li pawn tlai se, a hunah a thleng,
A va ropui em.
Isua a tap ta, thlan chu a thleng,
Thu chu pe in, lung la sawn
ru, Lazar lo chhuak rawh
Thlan puana tuam chungin a lo chhuak ta,
Phelh ula kal tir ru,
Tihdam a ni ta, a dam,
a nung leh taaaaaa.
I hringnun zawh laiah
harsatna tawkin,
Lalpa i au thin
a puihna nghakin
a thleng si lo maw?
Chauvin zam mai lo la,
a la pangai reng
A lo thleng thuai dawn
A tanpui ang che, a hre reng a che.
Ni li a liam ta, Beiseina a bo,
Lalpa a rei lua e,
kan va hrethiam lo em,
Mahse Lal remruat hian,
lei mi dan a khum zo,
Ni li pawn tlai se, a hunah a thleng,
A va ropui em.
Aw, a ropui e, tlaiin lang mahse
a hunah a thleng, Halleluiah.