Nunhlui leh vanglai
Phuahtu: C Durthanga
Satu: Lalrindiki Khiangte (Daduhi)
Nun hlui leh vanglai hun ka dawn a,
Ka ngai thin mang e, aw, ka lenrual hlui te;
A then te’n piallei run dai an nghak,
Chan tawk khuarel a rual thei si lo.
Lenrual te u, in dawn ve thin em?
Hun hian hringnun a nghak ngai si lo;
Par ang kan chuai, vanglai ni a liam,
Kan chuai hun tur lah kan dawn ngai lo.
Fam chan ni tur hi tu nge dawn ngai?
Dawn ila tu nge hlim a lawm thei ang le?
Lenrual duh then tak te nen pawh khan,
Lungkham nei lo vin zai kan vawr thin.
Lenrual te u, hmatiang hun thlirin,
Engkim mai hi chung Khuanu leng chan a ni;
Dawn lem nei lo va vanglai chen hi,
Suihlungchhirin ban a la pel thin.