Nunhlui tawna suihlunglen

Suihlunglenin awmhar tinkim mahte’n ka han dawn a,
Nunhlui tawna suihlunglen hi bang thei si lo;
Ka ngai mang e, hmana suihlung rual a hlim ve lai ni,
Dawn lungrukah puan ang i hlui dawn lo.

Aw, khawiah nge thinlai hnemtu lenghermawii,
Lunglam ka vai, dar ang ka tawng si lo;
Suihlung herin tleidang tawnah par ang vul mai lo la,
Suihlunglen hi nemte’n ka tuar mahna.

Ami zaleng zawng te’n khawtlang lunglen an hril changin,
Kei zawng ka hril, awi, i tawnah ka suihlunglen;
Hmanah ka tan par ang i vul tleidang leng ngai lo te’n,
Lenna vangkhua tlangdang a pawi ber mai.

Kumsul hai lo chung chhawrthlapui puan ang lo thar leh ta,
Nunhlui erawh puan ang thar ni awm ve si lo;
Hmanah par ang i vul, mahse, dar ang tawn leh hma hian,
Suihlung min her san hi ka hlau ber mai.