Nunna thianghlim siamtu
Hla Thu (Lyrics)
Phuahtu: Rev. Thangngura
Satu: Lalthansangi
Nunna thianghlim siamtu, an duh loh Zion-ah,
Hmingchhiat leh lungngaihna phurin an man tir a;
A chhang eitute kha doralah chang zo vin,
A sulhnu an rawn chhui mipui chhiarsen loh te’n,
Judaa’n hma a hruai, dera man tir tumin,
Dera man tir tumin, a chhang eitute kha doralah chang zo vin,
A sulhnu an rawn chhui mipui chhiarsen loh te’n,
Judaa’n hma a hruai, dera man tir tumin.
Tichuan an man ta a, puithiam lal in chhunga’n,
Biahthu khirh tak an tiam, hlinglukhum khum turin,
Hlinglukhum an nghat e, ka Lalpa luah chuan,
Kutin an han beng a, thisen far zawih zawihin,
Ka chhandamtu an hruai, Kalvari lam panin,
Kalvari lam panin, hlinglukhum an nghat e, ka Lalpa luah chuan,
Kutin an han beng a, thisen far zawih zawihin,
Ka chhandamtu an hruai Kalvari lam panin.
Tuahthing an lo rem khawm Kalvari tlang chungah,
Kilhna an lo chher khawl ka Lalpa kilhna tur,
Ka Lal an khaikang eng e, sakhmel chul ri riaiin,
A nakah an chhun a, thisen leh tui a chhuak,
Zion kulhpui chhungah zaral an rel sual e,
Zaral an rel sual e, ka Lal an khaikang eng e, sakhmel chul ri riaiin,
A nakah an chhun a, thisen leh tui a chhuak,
Zion kulhpui chhungah zaral an rel sual e.
An sawi tawh ang khanin Chhandamtu’n a tuar ta,
An tiam tawh ang khanin Chhandamtu a fam ta;
Van mi thianghlimte khian lirpui ri bum bum nen,
Rauthla an rawn tho ve, pialleia zal tawhte,
Chhandamtu sun turin khaw thianghlimah an leng,
Khaw thianghlimah an leng, Vvn mi thianghlimte khian lirpui ri bum bum nen,
Rauthla an rawn tho ve, pialleia zal tawhte,
Chhandamtu sun turin khaw thianghlimah an leng.
I tuarna nghilh hianin, sualna a lo zing thin,
Chhingmit an rawn tuam e, i eng var hliah turin;
Tunah rawn hlip kiang la, i eng var siu siauvin,
I hmelah hmangaihna mittui sur nguai nguaiin,
Ka thinlung sualah hian, Lalpa lo leng ang che,
Lalpa lo leng ang che, tunah rawn hlip kiang la, i eng var siu siauvin,
I hmelah hmangaihna mittui sur nguai nguaiin,
Ka thinlung sualah hian, Lalpa lo leng ang che,