Nupa tan

Phuahtu: -
Satu:

Phuahtu: Roliana Ralte

Kawplai tuak tin leng zawng te u,
Sam ang in inthen hi a rem lo;
Hringfaleng ar ang lo vaiin,
Rairah nun an chang dawn e, in hrai te’n.

Damchhung khawsak buaina zawng te’n,
Lungngaih, mangan, buaina zawng te’n,
Par mawi itsik, thikthu leng te’n,
Chun leh zua te min thentir lul suh se.

Chun leh zua ngaiin an tap ang,
Han dawn teh u, han dawn teh u;
Fam lo va dairial in chan a rem lo, a rem lo.

Hmangaih inngaihthiam tawk lohna te’n,
Thinrim, duhzawng inan lohna te’n;
Rinawm lohna te’n min then suh se,
Thihna chauh lo chuan min then lul suh se.

Biak run hnuaia in tiam zawng te kha;
Laikhum zala in tiam zawng te kha,
“Thihna chauh lo chuan” tih ziak zawng te kha,
Dairialah in chantir mai dawn em ni?