Phungrual an tin anga
Hla Thu (Lyrics)
Phuahtu: Laithangpuia
Satu: KC Runremsangi, Rebeki, Chaltlang Bial PYD Zaipawl, Art & Culture Dept Zaipawl, TBC Zaithanpuia
Phungrual an tin anga,
Vanduai kan run tahnaah hian;
Ka awmhar lungngaih chhum a lo zing ang, Lalpa,
Ka ngai dawn em a che.
Vanduai min awmpui la,
I ram thianghlim thleng ni mahse;
Lei mihrin chhun hianin ka ngai thiam lo,
Ka Lal lunghnem, tuar har min dawnpui rawh.
Lungduh an liam ta a,
An sulhnu lei awmharah hian;
Fam ngaih tinkim dawnin tapin tlai ni ka leng,
Ka riang lua e, Lalpa.
Tlai tla har ti ila,
Zan khua hrui ang a sei leh si;
Fam ngaih zunleng tuar chuan chin lem a nei lo ve,
Ka zam ral mai awm mang e.
Zin zin theih chang sela,
Thlafam tumkawng tluanglam zawhin;
Tuai duh lawmlai chan chu lung kan rual ngei ang a,
Fam khuaa zin tumin.