Pi i zun

Ka pi, zunah maw ka lo uai a,
“Hraite, i cho rual ka ni nem le;”
Tiin sirah min lo hnawl a,
“Ka pi, i zun ngai reng reng hian ka uai,”

In rawlpui a riang valte hian,
A phu loh lengi a chhai chu;
Sakhmel en in vuau a ti e,
 “A dawn a tawi lua,” min lo tih chu,
Ka pi’n ka pu biahthu a hlan ta.

Ka pi, zunah maw ka lo uai a,
“Hraite, i cho rual ka ni nem le;”
Tiin sirah min lo hnawl a,
“Ka pi, i zun ngai reng reng hian ka uai”

Ka pu hmelin puak a ti em aw,
Kei chuan hre lo le  ka pi zawt rawh;
Ka pi, ka pu hmel a hawih em aw,
“A tawih lutuk, kei fawp nang e,”
Tiin ankanem i tawng ngei ang.

Ka pi’n a dawntuai a pawm si chuan,
Kei pawn tum tawk di ka zawng mai ta’ng;
Khuanun mal min sawm zel ang a,
Tluang ten fanau maltluan chawiin,
Chantawkah lungawi ka tum mai ta’ng.