Piallei chang mai tur
Hla Thu (Lyrics)
Phuahtu: Nu Zen Ngaih Cing
Lettu: B Vanlalhruia (Love Photo) & Lianthanga
Satu: Sumeon Khiangte
Ni chhun awmhar khua ka han chuanin,
Nang ngaih thinlaiah puan ang a thar ;
Hun leh kum te lo thar zel mahse,
Nang nen tawn ni herchhuak leh dawn si lo.
Sakruang par ang vullai piallei chang mai tura’n,
I pam lua e, ka phal thei mawlh lo ve;
Famngai ariang hi min hnem awm si lo,
Aw, chung Khuanu lo leng la, min hnem ang che.
Chham ang zalna laikhum chungah,
Nang ngaiin zan mu reng ka chhing thei lo;
Bawar lo pau kawl eng tan leh e,
Nau ang tah ban zai reng ka rel thei lo.
Chung tur ni kawlah a lo herchhuak,
I zalna piallei thlan hmun khawharah;
Nau ang ka tap, tawn tur i awm si lo,
Rauthla tal nau ang pawm ka nuam mang e.
Chhun ni a rei kan run chhungah,
Tlei zo lo thlan hmunah tuan zai ka rel;
I sakhming koh ka bang thei lo ve,
Tu’n min chhang lo luaithli nul kir tiang rel lehin.