Piallei thuah riat

Phuahtu: Lsa Vanchhawng
Satu: Jacob's Well

Hla Thu (Lyrics)

Hringnun hmachhawn ngam lo va,
Mahni nunna chhat ta te;
An chan hi i dawnpui ve ngai em?
Nang leh keia kiangah hian,
Belhchhan tlak tur an zawng thin,
Belhchhan tlak tur an hmu si lo.

Thlan khur thim belh zai an rel,
Mangan, lungngaihna tibo turin,
Piallei thuah riat an thlang ta,
An duhaisam a ni bil lo’ng e,
Fam rolungmuala chham ang zal hi,
Puitu ngaiin an rum e.

I sualna leh tlin lohna,
Vaivut maia ziah a ni,
Lungngaiin i chau leh mai thin maw?
Ani chuan a thai bo vang,
Engkim ti thei Lalpa chuan,
A tan thil harsa a awm si lo.

Nun beidawnga i awmin, hahdamna i hmu lo vang,
Van khua leh tui zawng an ngui ruai e,
Beiseina thar dil zelin tawngtaiin dil fan fan la,
Chhangtu Pathian chuan a chhang ang che.

Hringnun hlutna chhut fo la,
Hre fiah zual zawk thei turin,
A hnenah dil fan fan thin rawh,
Hlutna neiin i lo piang,
Chanvo pawimawh tak neiin,
Van khua leh tui i ni si a.